VOV4.M'nông: Tahen dak lêng Mỹ mhe mbơh mpeh nău njêng du mpôl tahen mha êng mhe ndrel đah ăp dak băl mpôl gay rsong hăn ta Biển Đỏ. Nău kan dja ƀư lôch ăp rơh rdôl lơh ta Biển Đỏ dăch kêng Yemen, ta trong dak lêng khlay đah tăch rgâl lam ntŭr neh. Tư lệnh mpôl tahen dak lêng Mỹ ta Trung Đông an gĭt mpôl tahen tâm rgop mha êng dja lĕ rngôch 34 dak mbra treng nđôi ta Biển Đỏ, yơn dak lêng Bab al-Mandab n'hanh kuel dak lêng Aden nklang dak lêng Yemen. Mpôl tahen dja tă bah Mỹ mât bôk nchrăp ntơm kan ngăn tâm nar pơh, 17 khay 4, đah nău ƀư lah mpôl tahen mha êng mhe, lĕ rngôch 2 tât 8 bôk duk, gay nking nchăng tăch ntŭng si ônh, ma túy, ndrak nsiu n'hanh đăp mpăn nchuăn rdeng dak lêng ta trong dja. nău njêng mpôl tahen mha êng mhe nkoch nău tâm ban ŭch tâm nkual mpeh nău khlay bah rnă njrăng nchuăn rdeng dak lêng ta ăp nkual dja./.

Nuĭh rblang: Điểu Thân