VOV4.M’nông: Lơ 23/1, Mỹ hŏ nkah lah ma nŭih ƀon lan rnôk luh bah Ukraine ndrel nau đă geh ntrơn hăn du bah ăp rnăk vâl bah ăp nŭih ƀư nau kan ntoh măt bah Mỹ tâm neh dak aơ sĭt dak nơm. Tâm du nau mbơh, N’gâng kan nchră nau Mỹ hŏ ân ăp nŭih ƀư nau kan ân ntrơn hăn du ndrel ntĭm đă ân ăp nŭih tâm rnăk vâl nơm geh tŏng nau dơi gay ma luh bah ntŭk gŭ ƀư pah kan ntoh măt ta Thủ đô Kiev yor ăp nau nkri mpeh nau kan tahen bah Nga. Êng nê, ăp nŭih ƀon lan Mỹ ta Ukraine kŏ ân geh uănh n’hêl nau moh ntil ndeh hăn, manh mô lah ndeh nơm. Nau nkah lah bah Mỹ geh ndơ̆ luh tâm rnôk nau duh jêr bah nau kan Ukriane đah Nga ndrel ăp dak Phương Tây n’hao nau kan tâm rơh rlau aơ. Nau tâm nchră mhe ngăn bah Mỹ ndrel Nga mô geh dơi kơt nau ŭch./.

Nŭih rblang: H’Thi