VOV4.M’nông-Mỹ lĕ geh tnơm kơp dơn ƀon lan Qatar lah du dak kan ndrel dŭt têh bah dih NATO, nău kan aơ gay ma n’hao nău tâm boh kan đah bar dak n’hanh kơl an ngih dak nkual njônh dak lêng geh dơn ăp nău kơl mpeh tahen n’hanh nău wăng sa ta nău tâm boh kan đah Mỹ. Tổng thống Mỹ Joe Biden nar 10/3 lĕ geh nău mbơh n’hanh lah na nê̆ nău aơ geh nău kan dŭt khlăy bâh tâm boh kan đah bar dak. Qatar lah ngih dak tal pe ta nkual njônh dak lêng, ba kơi Cô oet n’hanh Baranh, jêng dak kan ndrel dŭt têh bah dih NATO bâh Mỹ. Nău ntrŭnh kơp dơn Qatar lah dak kan ndrel bah dih NATO geh Mỹ ndơ̆ mbơh tâm rnôk ăp nău tâm boh kan lam ntur neh mpeh nău pă an ŭnh nar n’hanh rnoh pring xăng hao khlăy yor ăp nău rmal đah nău kan tahen bâh Nga ta Ukraine. Qatar lah ngoăy tâm âk dak ƀư pring xăng dŭt têh ta lam ntur neh.

Nuĭh rblang: Thị Đoắt