VOV4.M’nông - Nar 19/4, du hê kruanh Văn phòng Tổng thống Mỹ an gĭt: Tổng thống Joe Biden nchrăp mbơh du ndơ ntop kơl tahen êng an dak Ukraine, geh âk tâm ban đah 800 rkeh đôlar lĕ dơi mbơh tâm pơh bah năp. Pơh bah năp n’gâng kan Tổng thống Biden mbơh rnoh ntop kơl 800 rkeh đôlar, geh trong pháo, grăp pháo, tàu ndeh păr ntô loih n’hanh tàu njrăng rdâng kơh dak lêng mô geh nuĭh ƀĭt an Ukraine. Nchrăp Mỹ mbra pơk hvi pă an ndrăk nsiu, ndeh rklư tahen an dak aơ, geh ăp ntil ndơ têh jâk êng. Lah ndơ ntop kơl rơh aơ dơi ƀư tĭng kơt nău nchrăp, mbra n’hao dĭng lĕ ndơ tahen Mỹ ntop kơl an Ukraine hao rlău 3 rmen đôlar, kơp bah rnôk Nga ntơm ƀư tâm lơh tahen.

Nŭih blang: Y Sưng Phê Ja