VOV4.M’nông - Ntoh ngơi bah Văn phòng Chính phủ Mỹ an gĭt, tâm trôm wăng sa Ấn Độ Dương-Thái Bình Dương yor Mỹ đă, mbra kơl n’hao lơn tay nău tâm boh wăng sa bah Mỹ đah ăp dak tâm nkual. Ntoh ngơi tâm rơh rƀŭn mbơh, Thư ký báo chí Văn phòng Chính phủ Mỹ wa Karine Jean-Pierre lah rjăp, tâm rnôk wăng sa aơ mbra rgum tâm nău ndâk njêng ăp tâm ton đah ăp dak Ấn Độ Dương-Thái Bình Dương, tâm nĕ kơl lor hun hao du jâng wăng sa kỹ thuật mrô mhe, geh n’ăp nău pơk hvi mpông an ăp doanh nghiệp jêt n’hanh dah găp. Rlău ma nĕ mbra ntrôl ntuh kơl an jâng wăng sa kloh uĕh n’hah ndâk njêng jâng wăng sa đah soay tâm ban lơn, kơl tâm ban ntŭk pâl an nuĭh pah kan n’hanh doanh nghiệp ta ăp dak tâm nkual Ấn Độ Dương-Thái Bình Dương.

Nuĭh rblang: Y Sưng Phê Ja