VOV4.M’nông – N’gâng kan tâm rnglăp nchră nău nar 24/3 lĕ mbơh phong Triều Tiên rlong phao ŭnh grăp ndrăk. N’gâng kan tâm rnglăp nchră nău Mỹ lah rjăp, kơt ăp nău rlong êng tâm năm aơ geh đêt ngăn 2 grăp phao ŭnh na nao tâm dak, nău rlong mhe ngăn bah Triều Tiên lĕ tih âk nghị quyết bah Hội đồng Bảo an Liên hợp quốc. Nău aơ mpơl bôk nău kan grăp phao ŭnh n’hanh ndrăk nsiu têh mô tâm di bah Triều Tiên lah nău nkri đah ăp dak kiău ma n’hanh nkual lah nsum. Nău mbơh nkoch kloh Mỹ ndrel lam ntŭr neh kuăl đă Triều Tiên ât, mô ƀư tay nău nsŭk nsôr n’hanh râng tâm nchră jŏ jong n’hanh geh nkô̆. Mỹ ton tay mât njrăng Hàn Quốc n’hanh Nhật Bản n’hanh mĭn lah mbra tâm rgop rjăp đah ăp dak n’hanh dak kan ndrel gay rdâng đah ăp nău ntêt nkri bah Triều Tiên kơt ntrŭt nău ŭch nsum mô hôm hạt nhân lĕ rngôch ta gôl dak Triều Tiên.

Nŭih blang: Y Sưng Phê Ja