VOV4.M'nông: Mỹ mhe nchâp đă rmal đah nklăp 100 nuĭh n'hanh mpôl geh tât n'gâng kan công nghiệp quốc phòng Nga nkre mpăng rvăt n'glăp maih bah dak dja. aơ lah ngoăy tâm ăp trong rmal dŭt mhe ntrŏng tâm Nga tă bah rdôl lơh ta Ukraina. Bộ Tài chính Mỹ an gĭt hŏ ntrŭnh rmal đah 70 mpôl n'hanh 29 nuĭh dơi mĭn lah geh tât n'gâng kan công nghiệp quốc phòng Nga tâm nău nsrôih nking nchăng Nga n'hao ndrak nsiu n'hanh công nghệ. Drăp ndơ bah ăp nuĭh n'hanh ăp mpôl dja ta Mỹ mbra geh nhŭp kân n'hanh nuĭh ƀon lan Mỹ mbra mpăng tâm rsong tăch rgâl đah khân păng. Bộ trưởng Tài chính Mỹ Janet Yellen lah rjăp nău ntrŏng lơh tât n'gâng kan ƀư njêng phao bleo mbra ƀư hŭch suan dăng bah Nga n'hanh nking kol trong hăn tâm lơh bah dak dja ta Ukraine. Ndrel đah nê, Mỹ mpăng rvăt n'glăp maih geh tơm luh bah Nga đŏng./.

Nuĭh rblang: Điểu Thân