VOV4.M'nông: Nuĭh đă hăn kan mha êng bah Mỹ mpeh Triều Tiên Sung Kim mhe lah nău klach rvê Triều Tiên mbra geh ăp nău kan jreh nuih rnôk dak dja nkah ndray 110 năm nar deh drô kruanh Kim Nhật Thành tâm 15/4 tât. Ơh ăp nău ôp bah phóng viên ma điện thoại, wa Sung Kim lah rjăp an lah, bol mô ŭch nchroh lor âk, yơn geh ma nău Triều Tiên mbra pănh grăp ŭnh mô lah rlong hạt nhân tâm rnôk nar lễ têh bah neh dak. Kruanh Mỹ "lah" nău Triều Tiên aƀaơ hôm uănh lhơ ăp nău đă nthoi tay tâm nchră mpeh ƀư bah hạt nhân ta gôl dak Triều Tiên. N'gâng kan Mỹ ntrŭt đă Triều Tiên plơ̆ tâm nchră tay, lah rjăp an lah Mỹ mbra tâm nchră "dah nău klach rvê" bah Triều Tiên. Wa Sung Kim nkre lah rjăp, păng mpŏng Triều Tiên mbra ơm plơng ơh tay du trong nsrôih uĕh ta năp ăp nău dăn đă bah Mỹ.

Nuĭh rblang: Điểu Thân