VOV4.M’nông - N’gâng kan pring xăng Mỹ nar 24/5 mbơh dôl tăch rlău 40 rkeh thùng pring kŏt bah ntŭk ntêm nkrem pring xăng. Aơ lah du gâl tâm nău mbơh ndơ̆ nar 31/3 bah Tổng thống Mỹ Joe Biden gay nchrai pring kŏt luh ntŭk ntêm nkrem gay dun tay nău pring xăng hao khlay. Ndrel đah Liên minh châu Âu, Mỹ dôl  nsrôih tâm nchră đah lĕ rngôch ăp dak joi pring xăng n’hanh nsrôih bônh ăp dak n’hao rnoh ndơ, kơl uĕh an ntŭk tăch lam ntŭr neh. Aƀaơ Mỹ n’hanh du đêt dak ndrŏng lĕ ntrŭnh an tăch pring xăng bah ntŭk ntêm nkrem gay đăp mpăn rnoh khlay pring lam ntur neh. N’gâng kan Tổng thống Biden rnôk khay 3 lĕ tăch dŭt âk pring xăng ntêm nkrem đah 1 rkeh thung pring du nar tâm 6 khay. Tu tơm pring xăng an ntŭk tăch Mỹ geh khuch du đêt yor nău dak aơ mô an pring n’hanh ndơ su bah Nga.

Nuĭh rblang: Y Sưng Phê Ja