VOV4.M’nông – Rmôt kan Hiệp ước tahen Bắc Đại Tây Dương (NATO) nar 24/3 rgum rƀŭn nchră gưl prêh ndal ta ntŭk kan Brussels, Bỉ gay tâm nchră mpeh nu nău Ucraina. Bôk nău kan khlay bah rƀŭn nchră dơi an lah rgum tâm ăp nu nău tahen ta Ucraina, uănh lah jêh bah nău tâm lơh, an rlăp ăp trong rmal ntop tay đah Nga. Ăp nuĭh kruanh NATO dơi an lah mbra tâm ban ŭch n’hao rmôt tahen ta dôr yôk mpeh bah lơ bâh châu Âu, nkre pă ndrăk nsiu an Ucraina. Aƀaơ hin ăp dak NATO nkoch klach rvê đah nău geh tâm dô̆t lăp du nău tâm lơh tahen ta Ucraina. NATO lĕ âk rơh nkoch ŭch lah liên minh tahen aơ dôl joi trong n’hao tahen ta dôr yôk mpeh bah lơ, yơn tâm ton mbra mô njuăl tahen tât Ucraina.

Nŭih blang: Y Sưng Phê Ja