VOV4.M’nông: Bol ma geh nau tâm rdâng bôk bah tahen tâm nkuăl n’har bri, yơn nau tăch rgâl bah bar ding đah Ấn Độ ndrel Trung Quốc hŏ geh âk, rlet rlau 125 rmen đola tâm năm 2021. Tĭng nau mbơh kơp yor N’gâng kan Hải quan Trung Quốc ndơ̆ luh lơ 14/1, rnoh geh tăch rgâl bar ding đah Ấn Độ ndrel Trung Quốc hŏ geh rnoh 125 rmen đola tâm năm 2021, rlet 100 rmen đola tâm du năm, tâm rnôk n’huch prăk kaih yor nau kan tăch rgâl bah Ấn Độ hao rlau 69 rmen đola. Nau tăch luh ndơ ah Trung Quốc tât Ấn Độ geh 97,52 rmen đola, hao 46%, tâm rnôk tâm trong tăch lăp lah 28,14 rmen đola, hao 34%. Tĭng ăp nŭih kan nchră nau văng sa, âk ngăn nau hun hao tăch luh bah Trung Quốc tât Ấn Độ tâm rơh rlau aơ lah yor nau rvăt lăp ndơ dŏng dak si ndrel ndơ ê geh nkret njêng ân dak si bah Ấn Độ, ngăn lah tâm rnôk nau geh srê ji Covid-19 lơn ma tât jêr./.

Nŭih rblang: H’Thi