VOV4.M’nông- Kruanh n’gâng kan nchră nău đah dak bah dih ơm Ba Lan, aƀaơ lah nuĭh kan ndrel Nghị viện châu Âu Sikorsky mhe kuăl đă phương Tây pă phao blêu hạt nhân an Ukraine gay ma dak aơ n’hao nău dơi mât rnă njrăng ngih dak. Nău kuăl đă lĕ geh nău dun hô bâh Nga. Tĭng nuĭh ntoh ngơi kruanh n’gâng kan nchră nău đah dak bah dih Nga Maria Zakharova, nău kuăl đă pă phao blêu hạt nhân an Ukraine mpơl nău mĭn êng nơm, nsŭk nsôr nău tâm rkeh, ntêt nkri nău rnă njrăng ta nkual n’hanh lam ntur neh, tâm ban kơt nău kan mô dŏng phao blêu hạt nhân. Kruanh Duma ngih dak Nga (Hạ viện Nga) Volodin ndrel nar an lah, nău kuăl đă bâh kruanh n’gâng kan nchră nău đah dak bah dih ơm bâh Ba Lan lĕ nsŭk nsôr an du rơh tâm rkeh hạt nhân ta châu Âu. Yor nĕ Nga mô dơn geh nău kan mô dŏng tahen ta Ukraine, ma hôm nha geh mât đăp mpăn mô dŏng hạt nhân ta dak aơ đŏng.

Nuĭh rblang: Thị Đoắt