VOV4.M'nông: Lôch 2 năm rlu tă bah nuh srê Covid-19 tât krit nji, Tâm nchră Shangri-La tâl 19 năm 2022 mbra dơi ƀư tĭng trong pơk sŏng dăng ntơm bah nar 10-12/6 tât ta Singapore. Ban Tổ chức an gĭt Tâm nchră năm aơ nchrăp dơi ƀư dŭt têh tâm âk năm rlơ̆ aơ. Geh nklăp 500 nuĭh ntơh măt lah ăp kruanh Chính phủ, kruanh mât rnă njrăng neh dak, tâm boh dak bah dih, nuĭh gŭ mĭn, nuĭh mbơh rblang nău, doanh nhân… tât bah 50 dak n'hanh nkual neh lam ntŭr neh mbra tât râng Tâm nchră. Thủ tướng Nhật Bản Fumio Kishida nchrăp mbra lah nuĭh mbơh rblang tơm, lah ntơm koch trong tâm rơh ntơm pơk. Rlău ma nê, Bộ trưởng Quốc phòng Mỹ, Nhật Bản, Hàn Quốc, Singapore… hŏ mbơh mbra râng Tâm nchră. Tâm nchră Shangri-La lah rgum nchră mpeh ăp nkô̆ nău rnă njrăng neh dak ntoh luh tâm nkual./.  

Nuĭh rblang: Điểu Thân