VOV4.M'nông- Tâm nău mbơh mhe geh mbơh ta ôi nar 16/6, Chính phủ New Zealand an gĭt, ntơm bâh nar 20/6 tay, nuĭh bâh dak bah dih lăp ta dak aơ tĭng trong ndeh păr mô kâp geh mbơh săm ƀŭt xét nghiệm mô ntưp đah Covid-19 ê lor mpăr. Yơn lah, năch hôm nha geh ƀư xét nghiệm êng Covid-19 êng 2 tơ̆ ta nar bôk năp n’hanh nar tal poăn lôch tât dak aơ. Lah geh ntưp đah Covid-19 rĭ ƀư xét nghiệm tay PCR gay ma an gŭ êng geh trong mât săm. Nău ntrŭnh mhe lĕ lah na nê̆, năch lăp bâh dak bah dih mô lah khâl ta New Zealand mbra mô kâp ndơ̆ an uănh sƀ lĕ lôch chuh vacxin njrăng Covid-19, mô geh mbơh tơih ntŭk hăn nsong, nuĭh tă tâm mâp. Mbơh rblang mpeh nău ntrŭnh nuh srê mhe, tiến sĩ Ayesha Verrall, kruanh n’gâng kan mât uănh tâm rdâng đah nuh srê Covid-19 an gĭt nău ntrŭnh mhe geh dŏng gay ma ƀư dơh nơih lơn ăp ntil săm ƀŭt lăp gŭ đah năch tâm rnôk rnoh ntưp đah nuh srê Covid-19 bâh năch aƀaơ mô hôm geh âk.

Nuĭh rblang: Thị Đoắt