VOV4.M’Nông- Thủ tướng New Zealand Jacinda Ardern mhe geh rơh tâm nchră đah Tổng thống Mỹ Joe Biden ta ntŭk kan têh Mỹ. Aơ lah rơh tât khâl Mỹ bôk năp bâh du hê Thủ tướng New Zealand tâm bar jât năm. Lôch ueh rơh tâm mâp, bar ding lĕ ndơ̆ mbơh nău mbơh nsum mpeh nău tâm boh tam kơl rach năm 21 tâm nkual Thái Bình Dương, Ấn Độ Dương - Thái Bình Dương n’hanh ta lam ntur neh. Nău mbơh nsum lah na nê̆ an lah Mỹ n’hanh New Zealand ton ntrôl nău tâm boh tâm kơl lĕ rngôch, tâm nĕ rnă njrăng n’hanh mât ngih dak mbra lah ngoăy tâm nău tâm kơl gay ma tâm rdâng đah nău rnă njrăng dôl rgâl ta Ấn Độ Dương - Thái Bình Dương.

        Nuĭh rblang: Thị Đoắt