VOV4.Mnông- Nuĭh ntoh ngơi ntŭk kan Tổng thống Nga Dmitry Peskov nar 21/4 an gĭt, Nga hôm nha dôl kâp nău tât kan bâh mpeh Ukraine đah ăp nău dăn đă mhe đah săm ƀŭt geh ndơ̆ mbơh ta rơh tâm nchră đăp mpăn đah bar ding. Yơn lah, mô gĭt na nê̆ nkô̆ nău, Tổng thống Ukraine Volodymyr Zelensky mbơh mô gĭt mpeh săm ƀŭt aơ. Wa Dmitry Peskov an lah: “Aƀaơ ăp nuĭh tât râng tâm nchră bâh bar ding hôm nha geh mât kơt ơm. Ăp nuĭh tâm nchră dôl tât râng gay ma rdâk njêng du nău tâm ton mbra dơi geh tâm let năp tay. Ăp nău dăn đă mhe aơ bâh Nga lĕ mbơh an mpôl kan Ukraine. Bol ma kơt nĕ, Tổng thống Ukraine Volodymyr Zelansky an lah păng ê hŏ geh nău mbơh bâh mpeh Nga.

Nuĭh rblang: Thị Đoắt