VOV4.M’nông -  Hãng thông tấn Interfax bah Nga nar 18/1 ndơ̆ nău Đại sứ quán Nga ta thủ đô Kiev, Ukraine hôm e kan nâm ơm, jêh rnôk n’ha Thời báo New York Times ndơ̆ nău an lah Moscow lĕ ntơm trơn ăp nuĭh rnăk wâl ăp nuĭh kan tâm rnglăp nchră nău ta Đại sứ quán Nga ta Ukraine. N’ha Thời báo New York ndơ̆ nău du hê kruanh gưl prêh bah Ukraine an gĭt geh dĭng lĕ 18 nuĭh, lĕ rngôch lah nuĭh rnăk wâl bah ăp nuĭh tâm rnglăp nchră nău Nga, lĕ luh bah dak Ukraine bah nar 5/1. Nău aơ an gĭt đŏng nklăp 30 nuĭh êng mbra luh Đại sứ quán ta Kiev n’hanh Lãnh sự quán ta nkual ƀon têh Lviv, miền tây Ukraine tâm 2-3 nar tât. N’gâng kan nchră nău Nga tât aƀaơ mô hŏ ndơ̆ nău lah, yơn Đại sứ quán Nga ta thủ đô Kiev hôm e kan nâm ơm n’hanh mô geh nău ƀư trơn nuĭh ƀon lan.

Nuĭh rblang: Y Sưng Phê Ja