VOV4.Mnông- Nar aơ 9/5, dak Nga ntoh n’gôr kahgĭt 77 năm nar geh nău dơi Phát xít ta rơh tâm lơh mât ngih dak têh dăng. Nău kan dŭt khlăy ngăn lah rơh hăn tahen ta quảng trường đỏ ta rnôk 10 mông ôi tĭng mông Matxcơva, nĕ lah 14 mông Hà Nội. Tĭng nău mbơh bâh ntŭk kan mât rnă njrăng ngih dak Nga, năm aơ, rơh hăn tahen ta thủ đô Matxcơva geh nău tât râng bâh 11 rbăn tahen, 131 ndeh klư tâm lơh êng. Ndrel đah Thủ đô Matxcơva, ăp rơh hăn tahen geh ƀư ta 27 nkuăl ƀon têh êng bâh Nga. Lôch rơh nti tahen mbra geh rơh hăn nsong bâh binh đoàn ta lĕ rngôch ăp nkual bâh Nga gay ma kahgĭt ăp nuĭh lĕ khĭt an nar geh nău dơi. Di rơh kahgĭt 77 năm geh nău dơi, Tổng thống Putin lĕ njoăl nău rhơn tât ƀon lan n’hanh nuĭh leo kan ăp dak tâm ba kơi xô viết. Nuĭh leo kan Nga nkah đă, ta nar aơ, nău ryơk rnê n’hanh tâm ryơk geh mpơl đah ăp nuĭh tahen n’hanh ăp nuĭh kơl kan, ăp nuĭh lĕ tŭn jot chủ nghĩa Quốc xã đah nău plơng tât bâh nău roh jot n’hanh khĭt ji mô dơi kơp veh”.

Nuĭh rblang: Thị Đoắt