VOV4.M’nông – Nar 29/3, rơh tâm nchră nthoi tay đah Nga n’hanh Ucraina ƀư ta nkual ƀon têh Istanbul-Thổ Nhĩ Kỳ. Ơh nău ôp ăp trong mbơh nău Serbia, Kruanh nchră nău Nga Sergei Lavrov nkoch nău mpŏng kâp lôch uĕh bah rwăch tâm nchră aơ. Kruanh n’gâng kan nchră nău Nga Sergei Lavrov nkah, 3 rwăch tâm nchră bah năp nĕ đah Matxcơva n’hanh Kiev lĕ dơi ƀư ta Belarus, jêh âk rơh rƀŭn nchră tâm tivi, rơh mâp tay ta Istanbul lah ntŭk ntô dơi bah lĕ 2 ding tâm di. Kruanh nchră nău Nga an lah, geh âk dơi tâm ton. Mpeh đah nơm, Tổng thống Ucraina Zelenssky lah rjăp nău rƀŏng bah Ucraina lah đăp mpăn n’hanh rdâk hao nău rêh nâm ơm ta dak aơ ơm ngăn dơi geh.

Nuĭh rblang: Y Sưng Phê Ja