VOV4.M’nông - Nar 5/7, tĭng Điện Kremlin, Tổng thống Nga lĕ geh rơh điện tâm nchră đah Tổng thống Uzbekistan. Tâm rơh điện kuăl tâm nchră, 2 nuĭh kruanh ƀư dŭt n’hâm n’hao lơn tay tâm boh kan ndrel n’hanh hăn ndrel Nga-Uzbekistan. Mpeh Nga nkoch nău kơl đah ăp nău nsrôih bah ăp kruanh Uzbekistan gay đăp mpăn nu nău ta Karakalpakstan. 2 nuĭh kruanh lĕ tâm nchră mpeh du đêt nău mhe tâm bôk nău kan ăp ding, geh n’ăp nău kan tăch rgâl, wăng sa n’hanh tâm nchră mpeh trong kan bah ăp rơh mâp êp tât. Ta năp nĕ, rŭng răng lĕ geh ta Karakalpakstan. Jêh nu nău roh đăp mpăn tâm nkual, Tổng thống Uzbekistan an ký đă an nu nău ndal bah nar 3/7 tât 2/8 n’hanh nău đă lĕ dơi Quốc hội uănh an.

Nŭih blang: Y Sưng Phê Ja