VOV4.M’nông: Lơ 17/6, ntoh nau tâm nar rƀŭn dĭng lĕ bah nau tâm nchră văng sa lam ntur neh St. Peterburg, Tổng thống Vladimir Putin lah rjăp, Nga ăp nhoat ƀư ueh nau tâm boh văng sa bah năp nau mhal bah Phương Tây. Nga hŏ geh đăp mpăn ƀư nau kan tăch rgâl geh tât tơm prăk, ntrong kan ngân hàng, njrăng rdâng nau hao rêng bah hao khlay ndơ, pơk trong nơih ân ăp ntŭk kan tăch rgâl tâm dak geh đăp mpăn, gay pă kan pah ân ƀon lan. Tơm prăk Liên bang Nga tâm 5 khay bôk năm 2022 geh nklăp 1,5 rbăn rúp ndrel nchrăp lôch năm 2022 mra geh săk rnglay 3 rbăn rmen. Tổng thống Putin rnê prêh nau kan văng sa bah Nga dôl ma plơ̆ ueh nâm ơm, lah yor nau nsôih bah ăp ntŭk kan n’gâng kan, ntŭk kan tăch rgâl ndrel nuih n’hâm tâm rnglăp./.

Nŭih rblang: H’Thi