VOV4.Mnông- Nar 26/1, Nga mbơh lor geh ăp nău kan bâh phương Tây mpŏng ta rmal êng Tổng thống Putin mbra mô geh nău dơi an ăp nău nsrôih gay ma bah ir geh nău uh ah geh tât Ukraine. Ntoh ngơi ta rơh rƀŭn mbơh, nuĭh ntoh ngơi điện Kremlin, wa Đmitri Peskov an gĭt, ăp ntrong kan rmal mpŏng ta Tổng thống Putin lah geh lah nău mô tâm di mô geh nău gĭt vât yor nuĭh kan gâl têh bâh Nga mô an geh mât drăp ndơ ta dak bah dih. Phương Tây n’hanh Ukraine dăch aơ mpơl nău mĭn rvê mpeh nău dơi Nga mbra nchrăp rdul lơh Ukraine. Nuĭh ntoh nău ngơi Điện Kremlin Pê Xcop lĕ nduĭh an lah ăp nău ntôn mô tâm di aơ lĕ ƀư lơ ma uh ah lơn n’hanh lah na nê̆ Nga mô geh ƀư nău ntêt nkri đah du hê nuĭh. Wa lĕ mbơh njrăng lor, ăp nău kan gay ma doh rklaih nău tâm rkeh Ukraine đah nău tâm lơh mbra ƀư jêng ăp nău tât dŭt jêr njrăng.

Nuĭh rblang: Thị Đoắt