VOV4.M’nông- Tâm du nău mbơh lôch rơh tâm nchră đah kruanh n’gâng kan nchră nău đah dak bah dih Thổ Nhĩ Kỳ Mevlut Cavusoglu, kruanh n’gâng kan nchră nău đah dak bah dih Nga Sergei Lavrov lah na nê̆, rơh tâm mâp gâl têh Nga- Ukraine kanŭng geh ƀư lôch rnôk plơ̆ tay tâm nchră đah bar mpôl kan. Tĭng kruanh n’gâng kan nchră nău đah dak bah dih Lavrov, gay ma dơi geh ƀư ueh rơh tâm mâp đah tổng thống Nga Vladimir Putin n’hanh Tổng thống Ukraine Volodymyr Zelensky năp lor an geh ndâk nsơm tay nău pah kan bâh ăp mpôl tâm nchră. Nuĭh ntoh ngơi điện Kremlin Đmitri Peskov lah na nê̆, rơh tâm nchră gâl têh Nga- Ukraine tâm rnôk aƀaơ lah jêr dơi geh ƀư yor Ukraine lĕ rhoăt trong kan tâm nchră n’hanh tâm mâp gâl têh lah geh an geh nchrăp lor na nê̆.

Nuĭh rblang: Thị Đoắt