VOV4.M’nông- Ntŭk kan mbơh nău mhe Interfax nar 2/6 mbơh nău bâh n’gâng kan mât rnă njrăng ngih dak Nga an gĭt ăp duk rdeng ngũ cốc mbra geh sĭt bâh ăp ndrâm dak lêng bâh Ukraine ta Biển Đen bâh “nău tâm kơl kon nuĭh” n’hanh Nga mbra mât đăp mpăn an ăp duk hăn aơ. N’gâng kan mât rnă njrăng ngih dak Nga nkre lah na nê̆, dak aơ mbra mô geh dŏng nău tâm kơl an ăp nkô̆ mpŏng kan bâh nău kan tahen dŭt khlăy ta Ukraine. Nga lĕ âk tơ̆ lah na nê̆, nău kan mbơh nău mhe n’hanh ăp trong kan rmal bâh phương Tây lĕ ƀư an ndơ sa bâh Ukraine mô dơi tăch an bah dih n’hanh ntrôl jêng lam ntur neh tŭp ta nău mô tŏng ndơ sa dŭt âk.

Nuĭh rblang: Thị Đoắt