VOV4.M’nông: Mbơh đah ntŭk kan TASS lơ 24/1, nŭih kan ntoh măt bah Tổng thống Nga mpeh nau kan Afghanistan Zamir Kabulov lah rjăp, Nga mô râng tâm nau tâm nchră bah Afghanistan dôl geh ta Oslo, Na uy, kơp n’ăp ma nau ƀư kan bah nơm. Rmôt kan Taliban hŏ ntơm tâm nchră đah ăp ntoh măt bah ăp ntŭk rêh jêng tahen bah Afghanistan ta Oslo. Rmôt kan bah Taliban lah rmôt kan bôk năp bah rmôt aơ tât Châu Âu kơp ntơm geh nau dơi nkân njrăng Afghanistan. Tĭng nau bah N’gâng kan nchră nau Na uy, nau tâm nchră grum tâm ăp nau kan mât nau dơi kon nŭih ndrel nau kơl an, tâm nê nar tâm nchră bôk năp ân rơh tâm mâp đah ăp rđau kan bu ur ndrel ăp nhà báo. Bar nar pah kan tay, Taliban mra geh tâm mâp đah n’gâng kan dak tơm ngih ndrel ăp n’gâng kan dak Anh, Pháp, Italia, Mỹ ndrel ntoh măt bah Liên minh Châu Âu (EU)./.

Nŭih rblang: H’Thi