VOV4.M’nông: Kruanh n’gâng kan hun hao văng sa, rmôt ƀư nau kan bah Nga tâm rơh rƀŭn gưl prêh Kruanh n’gâng kan tal 12 bah ntŭk kan tăch rgâl bah lam ntur neh (WTO) Vladimir Ilyichev mbơh, dak aơ mra mô luh bah ntŭk ƀư nau kan tăch rgâl ndơ sa bah lam ntur neh. Đah nau dơi lah dak geh pă tăch ndơ sa âk ngăn tâm lam ntur neh, Nga nchrăp mra râng, pă tăch ăp ntil ndơ sa ân ăp dak dŏng, nŭih vay rvăt dŏng bah ơm. Rơh rƀŭn nchră Kruanh n’gâng kan tal 12 bah ntŭk kan tăch rgâl bah lam ntur neh (WTO) dôl geh ƀư tâm Geneva, Thuỵ Sĩ. Nau kan pă tăch ndơ ngêt sa lam ntur neh geh ndŏ luh tâm nchră tâm rơh rƀŭn aơ. Tĭng Kruanh n’gâng kan Vladimir Ilyichev, Nga ân lah nkô̆ nau ƀư rnoh ndoh ndơ sa tâm lam ntur neh dôl hao khlay, ri âk ngăn geh tât tơm prăk gay ma rklaih nau khuch bah srê Covid-19 tâm ăp dak hun hao./.

Nŭih rblang: H’Thi