VOV4.M’nông: Kruanh n’gâng kan nchră nau Thổ Nhĩ Kỳ Mevlut Cavusoglu lơ 20/3 mbơh, Nga ndrel Ukraine bơi ma geh dơi ăp nau nchrăp mpeh ăp nau kan khlay. Păng nkra ŭch mpeh du nau nsrŭng pănh lah bar ding mô geh ntuch tay nhoat ƀư ăp nau dơi geh ân tât rnôk aơ. Đah nau ntrŭt dăng bah Thổ Nhĩ Kỳ, Kruanh n’gâng kan nchră nau Nga Sergei Lavrov ndrel Kruanh n’gâng kan Ukraine Dmytro Kuleba hŏ tâm mâp tâm nkuăl têh rlu n’aih Antalya bah Thổ Nhĩ Kỳ tâm bôk khay aơ. Bol ma mô geh nau ueh n’hêl, yơn tĭng Kruanh n’gâng kan Thổ Nhĩ Kỳ Mevlut Cavosoglu, hŏ geh nau tâm ban mpeh nau mĭn mpeh ăp nkô̆ nau khlay. Ndrel nar, ntŭk kan bah Tổng thống Thổ Nhĩ Kỳ mbơh, Nga ndrel Ukraine dôl tât dăch lơn mpeh nau kan tơm, geh ăp nau kan Ukraine nsrŭng nau ŭch lăp tâm NATO, mô hôm geh leo tahen, mô hôm geh ndrak nsiu ndrel mât nau ngơi Nga tâm Ukraine./.

Nŭih rblang: H’Thi