VOV4.M'nông: Măng 07/02 (tĭng mông Matxcơva), ta Điện Kremlin hŏ ƀư rơh tâm nchră bah Tổng thống Nga Putin n'hanh Tổng thống Pháp Macron nkhêp geh hăn khâl Matxcơva bah păng. Kruanh rđău kan Nga mbơh Nga n'hanh Pháp geh nău tâm uănh khlay nsum mpeh nô nău rnă njrăng ta Châu Âu. Ta rơh tâm nchră, bar kruanh rđău kan hŏ tâm rkhăch mpeh nkô̆ nău đăp mpăn rnă njrăng an Nga tâm ban kơt nô nău tâm lơh Ukraine. Tĭng kruanh rđău kan Nga, păng uănh saơ, Ƀan kruanh rđău kan aƀaơ bah Pháp n'hanh Tổng thống Macron nơm dôl nsrôih mhâm ƀư gay nkra rơh duh jêr nkre đah đăp mpăn rnă njrăng geh nău tâm ban ta châu Âu tĭng nău mĭn ơm kăl e răp jăp n'hanh nkra rơh duh jêr Ukraine nơm. Mpeh bah nơm, Tổng thống Pháp Macron an lah, rơh nkoch bri mbra ntơm trong ma ăp ding ân hăn, nê lah hŭch bah duh jêr. Kruanh rđău kan Pháp mpơl nău rhơn yor mbra dơi tâm nchră jru mpeh ăp nkô̆ nău dja n'hanh mbra joi nău ơh nsum geh an Nga n'hanh an lĕ rngôch châu Âu./.

Nuĭh rblang: Điểu Thân