VOV4.M’nông - Nar 24/5, N’gâng kan mât njrăng bri dak Nga an gĭt, ndeh păr ntŭp bom tâm lơh bah Nga n’hanh Trung Quốc lĕ jêh nău hăn uănh nđôi nsum ta nkual dak lêng Nhật Bản n’hanh biển Hoa Đông. N’gâng kan mât njrăng bri dak Nga mĭn lah, rơh hăn uănh nđôi nsum “Mô gay dun tay ăp dak n’hanh dơi ƀư jêh tâm di đah luật pháp lam ntŭr neh”. N’gâng kan mât njrăng bri dak Trung Quốc an gĭt, rơh uănh nđôi nsum dơi ƀư tĭng trong nchrăp kan ndrel tahen ăp năm đah rmôt vũ trang Trung Quốc n’hanh Nga. Tâm rnôk nĕ, Nhật Bản lĕ nkoch “nău klach rvê hô” mpeh nău nti nsum aơ, tâm rnôk rƀŭn nchră gưl prêh rmôt Kôp poăn (Mỹ, Nhật Bản, Ấn Độ n’hanh Australia) dôl ƀư ta Tokyo. Dun mpeh nău nti aơ, tahen Hàn Quốc lĕ ƀư ăp ndeh păr tâm lơh, “nchrăp an ăp nu nău dơi geh”.

Nuĭh rblang: Y Sưng Phê Ja