VOV4.M'nông: Tổng thống Nga n'hanh Tổng thống Ukraina ân ƀư tâm nchră na nê̆ gay nkra bah tâm lơh. Aơ lah nău lah rjăp bah nuĭh tâm nchră Ukraina Mykhailo Podolyak tâm du nău nchih ta trang Twetter êng păng. Tĭng wa Mykhailo Podolyak, Ukraina geh nău mĭn kloh rvah tâm du rơh tâm nchră mha êng lah nkô̆ nău đăp mpăn rnă njrăng, ƀư rlu pănh n'hanh nău rhuăt tahen Nga luh bah Ukraina. Tĭng nuĭh kan tâm nchră Ukraina, ăp nkô̆ nău dja ân dơi nkra ma du rơh tâm nchră na nê̆ đah Tổng thống Nga V. Putin n'hanh Tổng thống Ukraina Zelensky. Nău mĭn dja hŏ dơi Ngoại trưởng Nga Sergei Lavrov mpơl nău bah năp báo chí. Rvăch tâm nchră tâl 4, di lah ƀư tâm nar 14/3, hŏ manh rlu gay tâm pă rmôt pah kan n'hanh gay ƀư kloh nău lah di ngăn. Lôch nê, bar ding hŏ nthoi tay tâm nchră ntơm bah nar 15/3./.

Nuĭh rblang: Điểu Thân