VOV4.Mnông- Nar 17/4, kruanh n’gâng kan nchră nău đah dak bah dih Dmytro Kuleba an gĭt, Nga n’hanh Ukraine dăch aơ mô geh ăp nău tâm mbơh ôp êng ta gâl kruanh n’gâng kan nchră nău đah dak bah dih, nkre lah mbơh njrăng nkuăl ƀon têh Mariupol mbra lah du ntŭk n’har mô dơi tât. Ơh nău ôp bâh báo chí, wa Kulêba an gĭt, gâl tâm mbơh ôp kanŭng du ntŭk lah rmôt tâm nchră geh nđâp ndơn kan bâh ăp ntŭk kan êng êng n’hanh nuĭh kan ndrel bâh quốc hội. Bar ding an geh mbơh ôp nău ta gâl nuĭh way kan yơn mô geh rơh tâm nchră gâl têh êng geh ƀư. Wa Kuleba nchroh lor, ăp rơh tâm nchră dŭt têh mbra geh n’hao ta mpeh luh nar Ukraine tâm ăp pơh tât tay.

Nuĭh rblang: Thị Đoắt