VOV4.M’nông- Kruanh mpôl tâm nchră Nga- Ukraine, nkre kan mbơh ôp nău bâh Tổng thống Nga- wa Vladimirr Medinsky mhe geh mbơh nkô̆ nău tơm mbra geh mpôl kan têh 2 ding tâm nchră ta rơh tâm nchră tay bâh Nga-Ukraine. Tĭng nĕ, 2 ding mbra geh rgum tâm nchră mpeh nău ŭch pơk trong hăn tâm kơl. Ta meng nĕ, mpôl kan têh Nga mbra geh mbơh mpeh ăp nău dăn đă bâh Nga geh tât mbơh du đê̆ nău đă rlu tâm lơh dâl. Wa Valdimir Medinsky an gĭt aƀaơ mpôl kan tâm nchră bâh Nga lĕ tât ta ntŭk nchrăp mbra geh ƀư rơh tâm nchră tal 2 ta nkual Bêloveskada Puts cha ta n’har bri đah Belarus n’hanh Ba Lan. N’gâng kan Ukraine lĕ uănh năl mpôl kan bâh dak aơ dôl hăn tât ta ntŭk tâm nchră.

Nuĭh rblang: Thị Đoắt