VOV4.M’nông - Đại hội đồng Liên hợp quốc nar 7/4 lĕ nklăch phiếu ntlơi Nga luh Hội đồng nhân quyền đah ăp nău ntôn tih nhân quyền ta Ukraina. Jêh rơh nklăch phiếu bah Đại hội đồng Liên hợp quốc nar 7/4 lah 93 phiếu kơl, 24 phiếu dun n’hanh 58 phiếu mô săch, tŏng an ntlơi Nga luh Hội đồng nhân quyền bah LHQ. Nga lah dak tal 2 geh ntlơi luh Hội đồng nhân quyền Liên hợp quốc kơp bah rnôk ngih pah kan aơ dơi ndâk njêng năm 2006. Bah năp nĕ, Libi geh sŏk lơi nău lăp năm 2011. Aơ lah nghị quyết tal 3 ma Đại hội hội đồng Liên hợp quốc mbơh an geh tât nău tahen bah Nga ta Ukraina. 2 Nghị quyết phong n’hanh đă Nga rhoăt tahen luh Ukraina. N’gâng kan tâm rnglăp nchră nău Nga lĕ kuăl nghị quyết bah Đại hội đồng LHQ lah du nău ƀư mô tâm di n’hanh geh nău ŭch chính trị gay rmal ăp dak Liên hợp quốc geh ƀư tơm dôl tĭng du trong kơl tâm rnglăp tâm dak n’hanh tâm rnglăp bah dih đăp mpăn.

Nuĭh rblang: Y Sưng Phê Ja