VOV4.M’nông: Lơ 27/5, Kruanh n’gâng kan tơm prăk Nga Anton Siluanov mbơh, Nga hŏ dŏng 8000 rmen rúp (tâm ban 112 rmen đolar Mỹ) gay ma kơl an ân jâng văng sa jêh rnôk geh Phương Tây mhal geh tât nau kan tahen ƀư êng tâm Ukriane. Tĭng kruanh n’gâng kan Siluanov, Chính phủ Nga hŏ dŏng tơm prăk gay ma kơl an rmôt ƀư nau kan tăch rgâl ndrel nŭih ƀon lan rlet rlau ăp nau kan yor ăp nau mhal bah Phương Tây. Ăp nau kan bah Chính phủ Nga tâm nau kơl an ăp rmôt kan ndrel nŭih ƀon lan hŏ ƀư geh nau tam. Kruanh n’gâng kan Siluanov kŏ lah rjăp nau kan ntơm ƀư nau kan tahen tâm Ukriane ŭch geh âk tơm prăk, yơn lah mô geh mbơh ngăn Nga hŏ dŏng dĭng âk ân nau kan aơ./.

Nŭih rblang: H’Thi