VOV4.M’nông: Tahen Nga lơ 9/3 mbơh mra pă trong hăn gay ma kơl an ân ăp nŭih ŭch luh bah Thủ đô Kiev ndrel 4 nkuăl ƀon têh êng bah Ukraine. Tĭng wa Mkhail Mizintsev, dâk bôk ntŭk nkân njrăng Thủ đô neh dak Nga, ăp rmôt tahen Nga mra tĭng ăp nau nsrŭng păng ntơm 10 mông ôi lơ 9/ 3 tĭng mông Mát-xcơ-va gay ma đăp mpăn nau hăn ro đăp mpăn ân ƀon lan Ta Kiev, Tréc-ni-híp, Xu-mi, Khắc-côp ndrel Ma-ri-u-pôl. Aơ lah ăp nkuăl dôl ma geh nau tâm lơh duh hô ngăn đah tahen Nga ndrel Ukraine tâm ăp nar rlau aơ. Rnôk aơ ê gĭt kloh ăp trong geh đă hăn rlet bah Nga mô lah Bê-la-rút, tă geh Chính phủ Ukriane mô dơn. Nchrăp geh bơi tât 2 rkeh nŭih Ukraine hŏ hăn du der tâm ăp dak êp nê, tâm nê geh rlau du rkeh nŭih tât Ba Lan, neh dak geh rlau 500 km trong n’har đah Ukraine./.

Nŭih rblang: H’Thi