VOV4.M’nông - Rwăch tâm nchră tal 3 đah Nga n’hanh Ucraina ƀư măng n’đaơ (7/3) ta Belarus mô hoch tay rnôk 2 ding mô dơi joi nău ngơi nsum. Dơi geh 2 ding mbra an ƀư rwăch tâm nchră mhe rơh tal 4. Ntoh ngơi bah năp nuĭh nchih nău jêh tâm nchră, kruanh mpôl tâm nchră Nga Vladimir Medinsk an gĭt, 2 ding lĕ mô dơi geh nău rgâl uĕh jêh rwăch tâm nchră rơh 3. Pơng nkoch nău ŭch, ăp ding mbra dơi geh rgâl hao tâm rwăch tâm nchră êp tât. Mpeh đah Ucraina, nuĭh ntĭm kơl kan văn phòng Tổng thống Ucraina Mykhailo Podoliak, tâm 1 nău nchih tâm trang Twitter pơng nơm lĕ lah du đêt nău rgâl hao uĕh geh tât nău rgâl đah nău ntop kơl nuĭh. Yơn lah, đah bôk năp nu nău mô hŏ dơi rgâl. Pơng nkoch nău ŭch, ăp rơh tâm nchră đah Nga n’hanh Ucraina hôm geh geh ƀư tay.

Nuĭh rblang: Y Sưng Phê Ja