VOV4.M'nông: Groi Thủ tướng Ukraina Iryna Vereshchuk nar ntri (6/5) năl dak dja mhe wơt bah Nga 41 nuĭh, lĕ ma 28 tahen n'hanh 13  nuĭh ƀon lan ngăn, tâm rơh tâm rgâl luh nuĭh gŭ ndrung dŭt mhe đah bar ding. Yơn lah, kruanh rđău kan Ukraina mô mbơh na nê̆ rnoh nuĭh dơi mƀơk luh tâm rơh tâm rgâl dja. Dơi gĭt, tâm rnoh ăp nuĭh dơi Nga mplơ̆ an Ukraina geh du hê nuĭh tu sĩ bah Nhih brah Ukraina. Kơp ntơm bah rnôk Nga hăn lơh ma tahen mha êng ta Ukraina, bar ding hŏ ƀư âk tơ̆ tâm rgâl  luh nuĭh gŭ ndrung. Rơh tâm rgâl nuĭh gŭ ndrung dŭt mhe aơ ƀư nar 30/4. Bah năp nê, nar 24/3 mhe aơ, Nga n'hanh Ukraina hŏ ƀư tâm rgâl nuĭh gŭ ndrung kơp ntơm bah rơh tâm lơh tâm su ntoh luh./.

Nuĭh rblang: Điểu Thân