VOV4.M'nông: Nar 14/3, Nga n'hanh Ukraine gŭ tâm nchră tay tâm rnôk tâm lơh tâm su ta Ukraine hŏ lăp pơh tâl 3. Kơp ntơm bah rnôk Nga hăn lơh ma tahen mha êng ta Ukraine, bar ding  hŏ ƀư 3 rơh tâm nchră. Bol mô hŏ geh si ƀŭt dơi ký ton, yơn ăp tơ̆ tâm nchră hŏ jêng tât njêng trong rong hăn an kơl nuĭh an nău ntrơn du nuĭh ƀon lan ngăn Ukraine, tâm ban kơt tâm nchră mpeh nău mpŏng rlu pănh đah ăp nkual wăr trong hăn kơl nuĭh. Tĭng kruanh Ủy ban ăp nkô̆ nău dak bah dih bah Duma quốc gia Nga Leonid Slutsky, hŏ geh ăp nău rgâl âk. Păng nkre mpŏng Nga n'hanh Ukraine mbra geh ăp njuat hăn tât tâm ban ŭch ký ton tâm bar pe nar tât. Tâm rnôk nê, Tổng thống Ukraine Volodymyr Zelensky lah rjăp ăp kruanh Ukraine dôl tâm nchră đah mpeh Nga geh nău dơn kan đăp mpăn ƀư dơi ăp rơh tâm nchră na nê̆ đah kruanh rđău kan bar dak gay nsĭt tay nău đăp mpăn./.

Nuĭh rblang: Điểu Thân