VOV4.M’nông: Lôch nau tâm nchră bôk năp ta Bê-la-rút lơ 28/2 mhe rlau ma mô geh âk nau mhe, Nga ndrel Ukraine hŏ tâm ban nthoi tay nau tâm nchră mpeh nau rklaih nau tâm rkeh. Nau tâm nchră tal 2 aơ geh tâm lơ 2/3 tâm rnôk nau tâm lơh duh jêr lăp tâm nar tal 6. Ndơ̆ luh nau ton lah bah năp rnôk lăp tâm nau tâm nchră tal 2, Tổng thống Ukraine lah rjăp mra ân nau tâm nchră đah nŭih ndrel gưl kan bah Nga, yơn lah ân nkah, du ding nsrŭng păng lah nau kan bôk năp ân geh gŭ tâm nchră đah Nga, kŏ kơt lah Nga ân geh nsrŭng klŭp ƀom tâm ăp nkuăl ƀon têh bah Ukraine. Tổng thống Ukraine nkre kuăl jă ăp dak kan nsum bah NATO ƀư nchâp trong mô ân mpăr gay ma njrăng rdâng nau leo tahen, uănh aơ lah nau kan njrăng rdâng, mô di lah têk n’ăp ma rmôt tahen lăp tâm nau tâm lơh ma Nga./.

Nŭih rblang: H’Thi