VOV4.M’nông - Kruanh N’gâng kan tâm rnglăp nchră nău Sri Lanka an gĭt, Ngân hàng lam ntŭr neh mbra sŏk an nklăp 700 rkeh đôlar an dak aơ tâm đêt khay tât. Tâm ton aơ dơi ndơ̆ tâm rơh tâm nchră đah Kruanh nkual bah Ngân hàng lam ntŭr neh n’hanh Kruanh N’gâng kan tâm rnglăp nchră nău Sri Lanka ta thủ đô Colombo tâm rnôk dak aơ dôl rdâng đah nu nău mô tŏng hô ngăn, jêr jŏt tâm nău nglăp rwăt ăp ndơ dŏng. Tĭng Kruanh n’gâng kan tâm rnglăp nchră nău Sri Lanka nău ntop kơl prăk kaih đêt năm bah Ngân hàng lam ntŭr neh gay mkra ăp jêr jŏt ta năp măt. Jêh nĕ Sri Lanka mbra joi naư ntop kơl đêt năm tă bah Tơm prăk nkrem lam ntŭr neh, ăp rmôt kan lam ntŭr neh n’hanh ntop kơl bah ăp dak êng, an ăp trong hun hao nâp nâl.

Nŭih blang: Y Sưng Phê Ja