VOV4.M’nông- N’gâng kan mhe bâh Philipine mbra tâm rdâng đah âk nău ntul rlong mpeh wăng sa rnôk dơn nău kan ta nar 30/6 tay. Yơn lah geh âk nkô̆ nău ueh gay ma knơm an lah Philipines mbra dơi doh rklaih ăp nău jêr jŏt aơ. Aơ lah nău mbơh geh ndơ̆ mbơh lôch rơh rƀŭn nchră dơn kan wăng sa tâm n’gâng kan tât tay bâh Tổng thống mhe dơn kan Phecđinăng Mác-cos (“Bongbong” Marcos Jr).Tâm rnoh ăp nău ntul rlong ma n’gâng kan mhe geh tâm rdâng lah trong kan mât njrăng lĕ rngôch Covid-19, rnoh pring xăng hao khlăy, rnoh lạm phát hao ngăch yor tă geh nău tâm lơh bâh Nga- Ukraine n’hanh rơh duh jêr mô tŏng ndơ sông sa lam ntur neh. Ntoh ngơi lôch rơh tâm mâp rmôt chính phủ wăng sa, Tổng thống mhe dơn kan Marcos Jr lah na nê̆, n’gâng kan mhe geh dơn kan bâh n’gâng kan wăng sa nâp nâl. Trong hăn mpeh ba năp mbra geh tâm rdâng đah âk nău ntul rlong yơn n’gâng kan mhe geh tŏng nău dơi n’hanh soan kan gay ma tâm rdâng đah nău ntul rlong nĕ.

Nuĭh rblang: Thị Đoắt