VOV4.M'nông: Bộ trưởng Ngoại giao Trung Quốc Vương Nghị an gĭt, Trung Quốc n'hanh ASEAN hŏ njêng dơi du trong ntĭt leo tâm boh ta nkual dŭt mpŏng geh tâm 3 rach năm aơ, rdâk njêng tâm boh têh jong lam lĕ rngôch n'hanh lah trong ntĭt mpeh tâm boh tâm kâng n'har tâm rnglăp. Mpeh tâm boh Trung Quốc- ASEAN tâm let năp tay, wa Vương Nghị an lah, Trung Quốc mbra tâm boh tay đah ăp dak ASEAN mât đăp mpăn, uănh khlay nău dơi geh nsum n'hanh uănh khlay trong tâm rnglăp đah ăp dak kâng n'har nsing kalơ gĭt wât n'hanh tâm kơl nsum, ntrŭt ntrôl tâm boh bar ding hun hao. Bộ trưởng Ngoại giao Trung Quốc lah rjăp, Trung Quốc ŭch jêng nuĭh hăn lor bôk năp tâm boh tâm nkual, ntrŭt ntrôl lam lĕ rngôch n'hanh geh nău tam Hiệp định tâm boh wăng sa lam lĕ rngôch nkual -RCEP, pơk hvi tâm boh tâm âk trong kan mhe kơt wăng sa mbrô, kỹ thuật số, ndrel rdâk njêng ăp trong tăch rgâl nâp n'hanh tâm boh êng ƀa ƀă ta nkual mhe./.

Nuĭh rblang: Điểu Thân