VOV4.M'nông: Tĭng lôch jêh uănh năl bah du đêt nhih dak si ta Nhật Bản an saơ njêng săk mhe BA.2 bah Omicron dôl ntưp rêng ngăch Nhật Bản, đah ăp nău mpơl ji jru lơn Omicron tơm, ndơ̆ luh nău klach rvê geh ma nău ntưp rêng ta nuĭh âk năm deh dơh jêng nău ji jru. Tĭng lôch jêh uănh năl bah nhih dak si Đại học y khoa Tokyo, nklăp 80% nuĭh ji COVID-19 lăp nhih dak si dja dơi năl lah njêng săk BA.2. Lĕ rngôch ăp nuĭh ji lah mom ndăm yơn ăp nău mpơl ji jru lơn rđĭl đah Omicron. Du nhih dak si êng ta Tokyo lah nhih dak si Đại học Showa hŏ ƀư rblang năl gene bah kaman đah lĕ rngôch ăp nuĭh ji COVID-19 lăp nhih dak si. Lôch jêh uănh năl an saơ rnoh nuĭh ntưp BA.2 hŏ  hao ntơm bah 10% tâm pơh bôk năp khay 2 hao 80% tâm pơh kêng dŭt khay 2, bôk khay 3. Nklăp 60% nuĭh ji ntơm bah 20-30 năm deh, tâm nê geh nuĭh ji mô hŏ chuh vaccine njrăng n'gang COVID-19 geh môr klơm soh n'hanh ân tât n'hôr oxy.

Nuĭh rblang: Điểu Thân