VOV4.M’nông-Nhật Bản mbra geh mbơh rnoh kơl wăng sa ngăch ndal hao tât 103 rmen đôlar Mỹ gay ma bah ir geh nău tât khuch mô ueh yor rnoh khlăy ndơ su, pring xăng hao khlăy. Chính phủ bâh Thủ tướng Fumio Kishida lĕ nchrăp ăp nău kan ƀư tĭng tay gay ma ntrôl an du rơh rgâl mhe jŏ jong ta dŭt năm aơ. Rnoh prăk an rnoh kơl wăng sa mbra geh sŏk bâh tơm prăk ntêm nkrem an năm tơm prăk 2022. Chính phủ Nhật Bản an gĭt nkô̆ mpŏng bâh rnoh kơl mbra geh nđâp ăp njoat hăn tâm rdâng đah nău tât ndal yor rnoh ndơ hao khlăy, nău kơl an ăp doanh nghiệp pring xăng n’hanh dŏng kan bâh rnăk vâl...Tâm nĕ, ntêm an dŏng prăk chính phủ hao tât 6,2 rbăn rmen yên. Nkô̆ hôm e geh nđâp ăp trong kan dŏng mô na nê̆ kơt an manh bâh ta nkual kan êng.

Nuĭh rblang: Thị Đoắt