VOV4.M’nông-Nhật Bản mbra geh dŏng điện hạt nhân gay ma bah ir geh knơm ta rnoh ŭnh nar bâh Nga. Nău ngăn aƀaơ, Nhật Bản hôm nha geh knơm âk ta ndơ su bâh Nga kơp bâh ntâl mpông ăp ntŭk ƀư hạt nhân lôch geh nău tât ta ngih máy điện hạt nhân Fukushima ta năm 2011 geh ƀư bâh rơh n’gơ neh n’hanh rdul dak lêng. Yơn lah, tâm rdâng đah rnoh ŭnh nar hao khlăy, Thủ tướng Nhật Bản Kisida Fumio an gĭt, hạt nhân mbra lah du gâl tâm nău kơl ŭnh nar kloh ueh tâm let năp tay bâh dak aơ. Tĭng nĕ, Nhật Bản mbra geh ƀư âk rnoh rvăt ŭnh nar ntrôl ŭnh nar mhe geh njêng n’hanh dŏng ŭnh nar hạt nhân. Lôch geh nău tât hạt nhân ta Fukusima, ŭnh nar hạt nhân dôl lah nău geh mĭn rvê âk ta Nhật Bản. Aƀaơ kanŭng geh du đê̆ tâm rnok 30 ngih máy điện hạt nhân ta dak aơ dôl pah kan.

Nuĭh rblang: Thị Đoắt