VOV4.M'nông: Nar 11/3, chính phủ Nhật Bản tâm nchră ngăn mpeh n'hao dăng trong rmal Triều Tiên tă bah dak dja mhe aơ rlong pănh mbro grăp ŭnh bôk ndrak (ICBM). Chính phủ Nhật Bản mbra tâm boh lhăt đah Mỹ, ôp trong rmal bah dak dja gay tâm ban ŭch nău tĭng ƀư. Trong rmal lĕ ma nău kơi ntop âk săk nuĭh geh mpă wêl drăp ndơ. Thủ tướng Kishida Fumio tâm du nău lah nar 11/3 lah rjăp nău kan bah Triều Tiên lah ntêt nkri tât đăp mpăn, rnă njrăng bah nkual n'hanh lam ntŭr neh. Nhật Bản mbra tâm boh đah Mỹ, Hàn Quốc, tâm nchră ăp trong rdâng lơh lĕ ma trong n'hao âk  trong rmal. Ntơm bah bôk năm tât aƀaơ tâm 2 khay dơm, Triều Tiên hŏ 8 tơ̆ rlong pănh grăp ŭnh, tâm nê lĕ ma nkôp 3 grăp ŭnh bôk ndrak, grăp ŭnh mô nteh n'hanh grăp ŭnh mpăr jong ơm dơi uănh lah "dŭt dăng" tâm ăp ntil ndrak nsiu. Nău dja ƀư ăp dak tâm kâng n'har n'hanh Mỹ dŭt rlăch dun hô./.

Nuĭh rblang: Điểu Thân