VOV4.M’nông: Ntŭk nkoch mbơh nau NHK, Nhật Bản lơ 25/2 ndơ̆ nau, ăp n’gâng kan bah Chính phủ dak aơ mbơh, mra rklaih lĕ ăp rnoh tơm pring lah ntŭk kan ŭnh nar lam ntur neh (IEA) kuăl jă ăp dak tâm rgop gay đăp mpăn nau tăch. Nau ntrŭnh ndơ̆ luh tâm rnôk rnoh dak pring kât lŏ hao khlay jêh rnôk Nga ƀư nau tâm lơh tâm mpeh ba dâng bah U-krai-ne. Lơ 24/2, rnoh dak pring lam ntur neh hao khlay jêng 100 đola Mỹ/thùng, rơh bôk năp kơp ntơm năm 2012, jêh rnôk Nga ton lah ntơm ƀư nau tâm lơh ta mpeh ba dâng U-crai-na. Ăp tơm ntuh kơl rvê lah, Mỹ ndrel Châu Âu mra ƀư ăp nau mhal tâm nau kan ŭnh nar bah Nga lơh jêng nau nkol nau pă tăch./.

Nŭih rblang: H’Thi