VOV4.M’nông: Tâm rơh tâm mâp đah Thủ tướng Nhật Bản Ki-shi-da Fu-mi-o ndrel Kruanh n’gâng kan nchră nau Phi-lip-pin Teodoro Locsin, Kruanh n’gâng kan neh dak Đen-phin Lo-zen-ra-na bah năp rơh tâm nchră “2+2”, bar ding lah rjăp dun ngăn ăp nau snôih ƀư êng bah ăp ding gay ma rgâl nau dôl geh tâm nkuăl Biển Đông ndrel biển Hoa Đông. Thủ tướng Nhật bản Ki-shi-da Fu-mi-o mbơh, Nhật bản ŭch mra ndrel Phi-lip-pin ƀư ân ueh du Ấn Độ Dương-Thái Bình Dương “dah rŏng ndrel pơk hvi”, tâm nê bar ding tâm ban nau n’hao nau tâm boh bar ding tâm âk nau kan, ngăn lah nau kan đăp mpăn. Kruanh n’gâng kan Phi-lip-pin Đen-phin Lo-zen-ra-na mra ntơm tâm nchră “2+2” đah ăp kruanh n’gâng kan ndrel gưl Nhật bản tâm lơ 9/4. Phi-lip-pin hŏ lah dak Đông Nam Á tal 2, ba kơi In-do-ne-sia ma Nhật bản ndâk nau kan tâm nchră kơt aơ./.

Nŭih rblang: H’Thi