VOV4.M'nông: Nău Triều Tiên ôi 4/5 pănh tay grăp ŭnh bôk ndrak tŭp mpeh dak lêng Nhật Bản ƀư Nhật Bản n'hanh Hàn Quốc klach rvê n'hanh rlăch dun nău kan dja. Bộ phòng vệ Nhật Bản, grăp ŭnh dja pănh ngai nklăp 500 km n'hanh mbra dơi tât 800 km. Yơn lah, grăp ŭnh hŏ tŭp nklang dak lêng Nhật Bản (EEZ). Tât aƀaơ mô hŏ gĭt năl khuch khat mpeh duk mpan. Bộ phòng vệ an gĭt aơ lah tâl 13 dak dja pănh grăp ŭnh ntơm bah bôk năm tât aƀaơ, nkre nduih lah hô aơ lah nău kan tih mô dơi dơn đêt, ntêt nkri tât đăp mpăn n'hanh rnă njrăng bah nkual n'hanh lam ntŭr neh, tih Nghị quyết bah Hội đồng Bảo an Liên Hợp Quốc. Ndrel đah mpeh Nhật Bản, Hội đồng tham mưu trưởng tahen tâm rgop Hàn Quốc nduih lah aơ lah nău tih ntêt nkri hô đŏng, lơh khuch tât đăp mpăn n'hanh tâm lơh tâm su ta gôl Triều Tiên, nkre ntrŭt ntrôl Triều Tiên rlu dĭl nău kan jreh nuih./.

Nuĭh rblang: Điểu Thân