VOV4.M’nông-Nhật Bản n’hanh Singapore nchrăp mbra geh ký tâm ton mpeh nău ndơ̆ ndơ dŏng n’hanh công nghệ mât rnă njrăng ngih dak di rơh tât khâl Singapore n’hanh tât râng rơh tâm nchră Shangri-la tal 19 bâh Thủ tướng Nhật Bản tâm 3 nar 10-13/6. Thủ tướng Nhật Bản Kishida Fumio n’hanh nuĭh tâm ban nău kan Singapore Lý Hiển Long ƀư rơh tâm nchră bar ding ta nar aơ, 11/6. Tâm nĕ, tâm nchră n’hanh ký tâm ton mpeh nău ndơ̆ mbơh ndơ dŏng n’hanh công nghệ mât rnă njrăng ngih dak geh tâm bôk nău kan nghị sự bâh 2 nuĭh leo kan. Tĭng nău nchrăp, nău tâm ton mhe ta trong kan mât rnă njrăng ngih dak- rnă njrăng đăp mpăn rơh aơ mbra geh ntop kơl ntrôl an ăp nău pah kan tâm kơl, ƀư kloh ueh na nê̆ lơn tâm trong kan mât rnă njrăng ngih dak đah Nhật Bản n’hanh Singapore, ngăn lah ăp bôk nău kan tâm nđur gâl têh, tâm mbơh, tiăr nti tahen n’hanh rgum nti nsum.

Nuĭh rblang: Thị Đoắt